<p>Wat mogt ick rechte dwaes, wat mogt ick gaen beginnen?<lb/> Waer doolden laetst, och arm! mijn onbedachte sinnen?<lb/> Ick bracht een tuygh in huys, oock tegen vrienden raet,<lb/> Een tuygh, een wonder tuygh, dat nimmer stil en staet;<lb/> Een tuygh van vreemden aert, dat noyt en laet te woelen,<lb/> Dat my oock inder nacht sijn On-rust doet gevoelen;<lb/> Een tuygh, een slaende werck, dat sonder eynde sweeft,<lb/> En dat noch boven dien een stagen Wecker heeft;<lb/> <pb n="embstma_1288_fac103"/> Een tuygh dat omme gaet met veelderhande drahten,<lb/> Dat hondert raders heeft daer op men heeft te wachten;<lb/> Wat dienter noch geseyt? het is een staege last,<lb/> Die voor mijn strammen rugh int minste niet en past.<lb/> Maer schoon ick besigh stae aen dese lange koorden,<lb/> En segge dit en gint, het zijn verbloemde woorden:<lb/> Het stuck dat ick beklaegh, dat is een nieuwe trou,<lb/> Mijn onrust dien ick heb, dat is een jonge vrou;<lb/> Wat moet ick even daer al drachten onderhouwen,<lb/> En tanden aen den douck, en raders in de mouwen,<lb/> En wielen om het lijf, en ick en weet niet wat,<lb/> Dat ick voor desen tijt noyt recht en heb gevat.<lb/> Wel eer had ick een vrou, die was van mijne jaren,<lb/> Die was gelijck als ick genegen op te sparen,<lb/> Die droeg een slechten douck; maer dit alwaerdigh dier<lb/> Dat strijckt gelijck een paeuw, en is te bijster fier;<lb/> Dit wil den nieuwen snuf, van ketens ende ringen,<lb/> Van perels om den hals, van alle moye dingen,<lb/> Van al dat hoofs gelijckt, en altijt weder aen,<lb/> Het schijnt dat my de beurs moet eeuwigh open staen;<lb/> Noch isset niet genoegh, sy kan geen ruste lijden,<lb/> Sy wil geduerigh uyt, geduerigh spelen rijden,<lb/> Geduerigh over al. wel denckt hoe past my dat,<lb/> Die eertijts ongemoeyt ontrent den vyere sat.<lb/> Maer noch soo waret yet, mett dese buyte-lusten,<lb/> Iudien ick inder nacht te minsten mochte rusten;<lb/> Maer dat en magh niet zijn, het kint dat wil de mam,<lb/> O! dvvaesheyt dat ick oyt so jonge vrouvve nam.<lb/> Wel vrienden hoort een vvoort: vvie stil begeert te leven<lb/> Die moet dit mal gevvoel de jonckheyt overgeven,<lb/> Want, uyt de daedt geleert, soo roep ick met berou,<lb/> "Ontrent een grijsen baert en dient geen jonge vrou.</p>

<p> <pb n="embstma_1288_fac105"/> </p>

<p> </p>

Un horloge entretenir jeunes dames à gré servir

Vielle maison reparer est toujour à recommencer

28

embstma_1288

emblem pictura

emblempictura

embstma_1288_emblem029

GUL

MNE

EMBLEMS

ILL_BOOK

Reserved for caption

embstma_1288.xml

embstma_1288_fac102

GUL

MNE

EMBLEMS

ILL_BOOK

<p>Un horologe entretenir<lb/> Ieunes dames à gre servir<lb/> Vieille maison reparer<lb/> Est tousiours à recommencer</p>

embstma_1288_emblem027

embstma_1288_pic102.jpg

86(UN HOROLOGE ENTRETENIR IEUNES DAMES À GRE SERVIR)

86(VIELLE MAISON REPARER EST TOUSIOUR À RECOMMENCER)

embstma_1288_emblem028