<p>Hoe dickmael, onbedachte meyt,<lb/> Hoe dickmael heb ick u geseyt<lb/> Dat ghy soudt letten alle tijt,<lb/> Het zy ghy hier of elders zijt,<lb/> Dat noyt u ketel open stont<lb/> Of voor de kat, of voor den hont;<lb/> <pb n="embstma_1288_fac123"/> Ick seyde, dat een open pot<lb/> Den kock gedijt tot schand en spot,<lb/> En dattet altijt qualick gaet<lb/> Alwaer de ketel open staet.<lb/> Het stoff dat uyt den vyere stijgt,<lb/> Het roet dat uyt de schouwe sijgt,<lb/> Een sleck die van der aerden kruypt,<lb/> Een seugh die van de muyren druypt,<lb/> Een mugh, een vliegh, een vuyle spin<lb/> Die raeckter op, of valter in,<lb/> En dan, het slimste datmen vint,<lb/> Soo koomter licht een hase-wint<lb/> Die raeckter met sijn muyl ontrent,<lb/> En siet! dan isset al geschent.<lb/> Maer schoon al ded'ick dit vermaen<lb/> Ghy liet den hutspot open staen,<lb/> En al mijn seggen galter niet<lb/> Tot dat het onheyl is geschiet;<lb/> Nu baet geschreeuw, noch groot geluyt,<lb/> De beste stucken zijnder uyt.<lb/> Maer ghy, mijn dochter, die het siet<lb/> Wat aen dit meyssen is geschiet,<lb/> Let des te meer op mijn gebot,<lb/> En deckt, ey lieve, deckt den pot:<lb/> Want offer schoon geen hont en koomt,<lb/> Noch dienter ander leet geschroomt,<lb/> Want als het scheel niet wel en sluyt<lb/> De beste geur die vliegter uyt.<lb/> ,,Een open pot, een open beurs,<lb/> ,,Een open deur, een open keurs,<lb/> ,,Een open mont, een open kist,<lb/> ,,Daer wort gemeenlick yet gemist.</p>

<p> <pb n="embstma_1288_fac125"/> </p>

<p> </p>

34

embstma_1288

GUL

MNE

EMBLEMS

ILL_BOOK

embstma_1288_pic122.jpg

emblempictura

embstma_1288_emblem035

GUL

MNE

EMBLEMS

ILL_BOOK

reserved for caption

embstma_1288.xml

embstma_1288_fac122

Een open pot, of open kuyl, Daer in steeckt licht een hont sijn muyl

emblem pictura

86(EEN OPEN POT, OF OPEN KUYL, DAER IN STEECKT LICHT EEN HONT SIJN MUYL)

embstma_1288_emblem033

<p>Een open pot, of open kuyl, Daer in steeckt licht een hont sijn muyl</p>

embstma_1288_emblem034

Een open pot, of open kuil, daarin steekt licht een hond zijn muil