<p>Een man had in sijn huys een hoop van jonge maegden<lb/> Die menigh jongh-gesel met allen wel behaegden;<lb/> Dies quá de steedsche jeugt daer meest den gantschen dach,<lb/> En nam daer soet vermaeck, gelijck de jonckheyt plach;<lb/> Van allen wasser een, die inde vreemde landen<lb/> Een leven had geleyt als buyten alle banden,<lb/> Geen meyt en woonter by die niet een sellen strijt<lb/> Die niet een harden storm, op haren maegdom lijt;<lb/> <pb n="embstma_1288_fac132"/> Hem was oock even doen een bastaert kint geboren,<lb/> En, nae den rechten eysch, ten vollen op-gesworen,<lb/> Hier sprack hy dickmael van, oock met een vollen mont,<lb/> Als of het slim bejagh hem wel en eerlijck stont;<lb/> De vader letter op, en heeft hem waer genomen,<lb/> Als hy hem weder sagh ontrent sijn dochters komen,<lb/> Hy beet hem in het oir: Versiet u, goede vrient,<lb/> My dunckt dat u beleyt ons dochters niet en dient.<lb/> De Quant hierom gestoort, en wonder seer gebeten,<lb/> Wou strax, en eer hy gingh, hier van de reden weten,<lb/> Hy seyt 'ken weet niet wat, en weyt geweldigh breet,<lb/> De vader, hart geperst, die gaf hem dit bescheet:<lb/> Wie schoone katten heeft die moet geduerigh mercken<lb/> Op gasten af-gerecht om in het bont te wercken,<lb/> Want die van 't ambacht is, en siet een aerdigh bont,<lb/> Tis vreemt, soo hy het laet als hy het eertijts vont.</p>

<p/>

37

embstma_1288

GUL

MNE

EMBLEMS

ILL_BOOK

embstma_1288_pic131.jpg

emblempictura

embstma_1288_emblem038

GUL

MNE

EMBLEMS

ILL_BOOK

reserved for caption

embstma_1288.xml

Die een schone kat heeft, dient geen bont-werker in huis te brengen

embstma_1288_fac131

emblem pictura

86(DIE EEN SCHOONE KAT HEEFT, EN DIENT GHEEN BONT-WERCKER IN HUYS TE BRENGEN)

embstma_1288_emblem036

<p>Die een schoone kat heeft, en dient gheen<lb/> bont-wercker in huys te brengen</p>

embstma_1288_emblem037