<p>Siet hoe Vrou dwaesheyt rent, siet hoese komt getreden,<lb/> Hoe los is haer gelaet ! hoe ras sijn hare schreden !<lb/> Sy loopt, sy ketst, sy swiert, soo datse niet en let<lb/> Waer sy haer gangen stiert, of hare voeten set.<lb/> Siet in het tegendeel, en weeght met rijpe sinnen,<lb/> Hoe traegh de wijsheyt gaet, eer datse wil beginnen,<lb/> Let hoese met bescheyt haer gantsche wegen meet,<lb/> Hoe seker datse stapt, hoe sedigh datse treet;<lb/> <pb n="embstma_1288_fac395"/> De dwaesheyt is gewoon in haesten uyt te springen;<lb/> De wijsheyt is bedacht, en let op alle dingen;<lb/> De dwaesheyt tijt te werck, en snelt haer tot de reys;<lb/> De wijsheyt vordert niet als naer een diep gepeys:<lb/> Dit wijst ons dese prent, en 'tstaet ons aen te mercken,<lb/> Het zy wy met het lijf of met de sinnen wercken;<lb/> Want die sijn dingen doet in haest en metter vlucht,<lb/> Ten kan niet anders sijn als dat hy naemaels sucht.<lb/> Beslapen raet heeft gront: het duyster en de nachten<lb/> Zijn moeders van gepeys, en voedtsters van gedachten,<lb/> Dus schoon ghy wonder seer tot yet genegen zijt,<lb/> Ghy des al niet-te-min beveeltet aenden tijt.</p>

<p>Rijdt voort, maer siet om.<lb/> Hadt ick gants onbesorght geduerigh aen gereden<lb/> Soo hadt ick groot verlies op dese reys geleden,<lb/> Want als ick in den ren by wijlen omme-sach,<lb/> Vernam ick seker pack dat af-gevallen lach.<lb/> Wel ghy, die zijt gewoon soo veerdich aen te drijven,<lb/> Spoet niet als met bescheyt, het sal u mogen stijven;<lb/> Hoe licht kan inder haest een quade slagh geschien,<lb/> Dus schoon men spoedigh reyst, noch dientmen om te sien.<lb/> <pb n="embstma_1288_fac396"/> </p>

88

embstma_1288

GUL

MNE

EMBLEMS

ILL_BOOK

emblem pictura

l' Ignorance corre, la Prudenza lentamente segue il passo

emblempictura

embstma_1288_emblem089

<p>l' Ignorance corre, la Prudenza lentamente segue il passo</p>

reserved for caption

embstma_1288.xml

embstma_1288_fac394

GUL

MNE

EMBLEMS

ILL_BOOK

86(L' IGNORANCE CORRE, LA PRUDENZA LENTAMENTE SEGUE IL PASSO)

embstma_1288_emblem086

embstma_1288_pic394.jpg

embstma_1288_emblem088