<p>Komt hier eens vrienden al-te-mael,<lb/> Komt hier, en hoort een vreemt verhael,<lb/> Koomt hoort een wonderbare daet<lb/> Daer op voor u te letten staet:<lb/> Al is de Leeuw een moedigh dier,<lb/> Al brant sijn oogh gelijck een vier,<lb/> Al is sijn wesen wonder sel,<lb/> Al is sijn sprongh geweldigh snel,<lb/> <pb n="embstma_1288_fac408"/> Al is hy, jae, een machtich beest<lb/> Daer voor de gantsche werelt vreest,<lb/> Noch is een mugge wel soo stour,<lb/> Hoewel de minste van het wout,<lb/> Noch is een mugge wel soo koen<lb/> Dat sy het beest komt hinder poen,<lb/> En dat niet met een slimme greep,<lb/> Of met een onverwachte neep;<lb/> Neen, neen, sy eyst haer vyant uyt,<lb/> En maeckt daer toe een hel geluyt;<lb/> En eer sy haer tot vechten set<lb/> Soo steeckt sy klaerlijck haer trompet;<lb/> Sy doet gelijck een dapper helt,<lb/> Sy geeft haer open in het velt,<lb/> Sy steeckt hem vry niet in de steert,<lb/> Dat is haer niet de pijne weert;<lb/> Sy steeckt hem daer hy klaerste siet,<lb/> Daer ist dat sy hem d' oorlogh biet,<lb/> Sy komt hem onder sijn gesicht,<lb/> En vlieght hem in dat vierlich licht;<lb/> En schoon hy dan geweldich tiert,<lb/> En al de leden omme swiert,<lb/> En schoon hy dan gants bijster raest,<lb/> En dampen uyt sijn keele blaest,<lb/> En schoon hy springt dan wonder hoogh,<lb/> Sy steeckt hem in dat vinnigh oogh,<lb/> Soo dat hy in het gantsche dal<lb/> Niet weet waer hy hem keeren sal.<lb/> Ick wou dat alle trotsche lien<lb/> Hier op met oordeel wouden sien,<lb/> En leeren uyt der leeuwen pijn<lb/> Niet al te sier en moedigh zijn,<lb/> Want siet ! niet een soo grooten beest<lb/> Dat oock sijn minder niet en vreest.<lb/> <pb n="embstma_1288_fac409"/> Un petit homme abat bien grand chesne.<lb/> Ken weet niet een soo schoonen boom,<lb/> Al staet hy aen een versen stroom,<lb/> Al wast hy uyttermaten hoogh,<lb/> Al rijst hy boven 'smenschen oogh,<lb/> Al heeft hy noch soo dicken bast,<lb/> Al voedt hy noch soo harden quast,<lb/> Die niet een kleyn, een eenigh man<lb/> In haest ter neder leggen kan,<lb/> Die niet een mes of kleyne bijl<lb/> Kan vellen in een korte wijl.<lb/> Vraeght ghy wat dit verhael beduyt?<lb/> En wat ick stelle voor besluyt?<lb/> Een vvespe quelt een moedigh peert<lb/> Al isset duysent kroonen vveert;<lb/> Een muys ontset een oliphant<lb/> Al heeft hy noch soo grooten tant;<lb/> Een mugge steeckt een leeuw int oogh<lb/> Al light het hert hem wonder hoogh.<lb/> Ghy, daerom vrienden in'tgemeyn,<lb/> En acht geen vyant oyt te kleyn,<lb/> Want siet! niet een soo kleynen man<lb/> Die niet sijn meerder schaden kan.</p>

<p> Un petit homme abat bien grand chesne<lb/> ...<lb/> <pb n="embstma_1288_fac410"/> Wenn der feind ist wil ein omeiss<lb/> so halt in doch für ein Elephanten.<lb/> ...<lb/> </p>

93

embstma_1288

emblem pictura

emblempictura

embstma_1288_emblem094

GUL

MNE

EMBLEMS

ILL_BOOK

reserved for caption

embstma_1288.xml

embstma_1288_fac407

<p>Culex fodit oculum leonis</p>

GUL

MNE

EMBLEMS

ILL_BOOK

86(CULEX FODIT OCULUM LEONIS)

embstma_1288_emblem092

embstma_1288_pic407.jpg

embstma_1288_emblem093

Culex fodit oculum leonis