<p>Een Man kostelijck gekleet en seer kon<lb/> stigh gemaeckt, hebbende de rechter hand<lb/> op een Meule of Windaes, wijsende met de<lb/> voorste vinger van de slincker hand op een<lb/> korf, die ter sijden staende, vol Byen is. Waer<lb/> van men oock verscheyden Byen boven dit<lb/> werck in de locht siet vliegen.<lb/> Konstigh en eedel wort hy gekleet, om<lb/> dat de konst door haer selven eedel is, die<lb/> men oock de tweede Natuyre kan heeten.<lb/> Hy wort gemaelt de rechter hand op een<lb/> windaes of Vijsel te hebben, wesende 't selve<lb/> een instrument, 't welck van de konst door<lb/> Menschlijcke naersticheyd gevonden zijnde,<lb/> seer verre de Natuyre overtreft, doende met<lb/> weinigh kracht seer groot geweld. Antiphanes<lb/> de Poeet verhaelt in seeker gedicht waer van<lb/> Aristoteles in zijne Mechanica of konstwercken<lb/> leert, dat wy door de konst die dingen te bo<lb/> ven gaen, waer tegen de Natuyre van de sake<lb/> selve schijnt te strijden, want men beweegt<lb/> daer mede sware gebouwen van hare plaet<lb/> sen, doende door Windaesen, Vysels, Domme<lb/> krachten, en Heyblocken wonderlijck ge<lb/> weld.<lb/> De Byekorf worter gestelt, om dat dese<lb/> dierkens een beeldenisse van een konst-stuck<lb/> en van de naerstigheyt zijn. Waer over Salo<lb/> mon seer wel seyt, Gae totte Byen en leer van haer hoe<lb/> besige wercksters zy zijn. Virgilius beschrijft oock<lb/> seer wijtloopigh het konst-stuck en de naer<lb/> stigheyt vande Byen in zijn eerste boeck van<lb/> Aeneas, en overvloediger in zijn vierde Geor<lb/> gica of boerewerck, daer toe ick den Leeser<lb/> wijse: want het soude anders te langh val<lb/> len. Derhalven sal 't genoegh zijn te seggen,<lb/> dat wy willende van 't konst-stuck en van de<lb/> natuyrlijcke naerstigheyt der Byen spreken,<lb/> alleen verhaelen, hoe Virgilius zijnen Maecenas<lb/> noodight, dat hy van dese stoffe soude horen<lb/> singen, als van een wonderlijcke en groote<lb/> saecke.<lb/> Maecenas schou dit wonder aen,<lb/> Der lichte Dierkens, die bestaen,<lb/> Den Vorst en Princen voor te schrijven,<lb/> Om leeren 't Volck de ord' en tucht,<lb/> Met wackerheyt, om steets ter vlucht,<lb/> Den Vyand van haer schans te drijven. </p>

http://www.dbnl.org/tekst/pers001cesa01/pers001cesa01_0452.htm

embstma_1450

GUL

MNE

EMBLEMS

ILL_BOOK

ARTTHEORY

GUL

MNE

EMBLEMS

ILL_BOOK

ARTTHEORY

Konst-stuck

Artificio

emblempictura

embstma_1450_emblem088

87

ARTIFICIO

Artificio: a man resting one hand on an windlass, the other hand extended to a bee-hive

embstma_1450.dmp

Kunststuk

embstma_1450_fac259

emblem pictura

25G41

25F711(BEE)(+5262)

31A25552

31A534

31D14

41D2651

47D8(WINDLASS)

47I242

47I244

54A33(+123)

86(ARTIFICIO)

embstma_1450_emblem086

embstma_1450_pic259.jpg

embstma_1450_emblem087